راولپنڈی(نیشنل ٹائمز): راولپنڈی پولیس نے ایک بڑی کارروائی کے دوران نوجوان کو اغوا کے بعد قتل کرنے اور پھر لاش کے ٹکڑوں کو جلا کر دریا میں بہانے میں ملوث جعلی پیر کو ساتھیوں سمیت گرفتار کرلیا۔ نومبر 2021 میں واجد نامی شخص کو اغوا کے بعد بیدری سے قتل کردیا گیا تھا۔ سفاک قاتلوں نے نوجوان کی لاش کے ٹکڑے ٹکڑے کردیئے تھے اور واردات کے بعد سے مفرور تھے۔ نوجوان کے اغوا اور قتل کیس میں جعلی پیر ارسلان اور اس کے ساتھیوں کو نامزد کیا گیا تھا۔ مفرور ملزمان کو اشتہاری بھی قرار دیا گیا تھا۔ ایس ایچ او کوٹلی ستیاں اور اے ایس آئی بلال نے انتھک محنت کے بعد ملزمان کو ٹریس کر کے سفاک ملزمان گرفتار کیا۔