اسلام آباد(نیشنل ٹائمز)مسلم لیگ ن کے رہنما رانا ثناء اللّٰہ کا کہنا ہے کہ ق لیگ سے معاملات طے نہیں پائے، معاملہ ففٹی ففٹی ہے، عمران خان بے تکی کہانیاں سنا کے وزارت عظمیٰ تک آئے، سمجھ رہے ہیں جو لوگ گئے ہیں وہ واپس آجائیں گے۔ جیو پاکستان میں گفتگو کرتے ہوئے رہنما ن لیگ رانا ثناء اللّٰہ نے کہا کہ یہ لوگ کس طرح سے جھوٹ بو ل رہے ہیں، یہ بول رہے ہیں کہ باہر سے پیسے آ رہے ہیں، ان کو کل بتانا چاہیے تھا کہ فلاں جگہ سے پیسے آئے۔رانا ثناء نے کہا کہ یہ لوگ بے شرمی کے ساتھ جھوٹ بولتے ہیں، پی ٹی آئی کے اتحادی بھی ان سے ناراض ہیں، کل ق لیگ والوں سے بات ہوئی ہے،کچھ چیزوں میں انہوں نے کہا ہے ٹائم دیں۔لیگی رہنما نے کہا کہ پرویز الٰہی کے وزیراعلیٰ بننے سے متعلق بات ہوئی ہے، ق لیگ سے معاملات طے نہیں پائے، معاملہ ففٹی ففٹی ہے، پچھلے ڈھائی سال سے مڈ ٹرم الیکشن کا بول رہے ہیں، ہم تو کہہ رہے ہیں یہ سلیکٹڈ ٹولہ ہے۔رانا ثناء کا مزید کہنا تھا کہ ان کی نظر میں ساری اپوزیشن چور ہے۔