اسلام آباد(نیشنل ٹائمز)وزیراعظم کی زیر صدارت سیاسی کمیٹی کا اہم اجلاس جاری ہے جس میں پی ٹی آئی کے سینئر رہنما اور وفاقی وزراء شریک ہیں۔ذرائع کے مطابق اجلاس میں ملکی سیاسی صورتحال کا جائزہ لیا گیا جائے گا جبکہ کل ہونے والے قومی اسمبلی اجلاس سے متعلق اہم امور پر گفتگو اور حکمت عملی پر غور کیا جائے گا۔سیاسی کمیٹی اجلاس میں اتحادی جماعتوں اور ارکان اسمبلی سے ملاقاتوں پر بریفنگ دی جائے گی،اجلاس میں 27 مارچ کے جلسے کی تیاریوں کا بھی جائزہ لیا جائے گا۔ذرائع کا مزید کہنا ہے کہ اجلاس میں صدارتی ریفرنس پر ہونے والی سماعت پر بھی بریفنگ دی جائے گی اور وزیراعظم کے عوامی جلسوں پر بھی اجلاس میں مشاورت ہوگی۔