اسلام آباد(نیشنل ٹائمز)پاکستان تحریک انصاف ( پی ٹی آئی) کے رہنما، سینیٹر فیصل جاوید خان کا کہنا ہے کہ وزیراعظم عمران خان کا قوم کے نام اہم پیغام آج نشر کیا جائے گا۔سینیٹر فیصل جاوید کا اپنی ٹوئٹ میں کہنا ہے کہ ’وزیراعظم عمران خان آج خود عوام کو 27 مارچ جلسے کی دعوت دیں گے، وزیر اعظم کا پیغام آج دوپہر 11:45 پر ٹی وی، ریڈیو، سوشل میڈیا سے نشر کیا جائے گا۔‘پی ٹی آئی رہنما سینیٹر فیصل جاوید خان نے ایک اور ٹوئٹ میں لکھا ہے کہ ’منڈی بہاؤالدین، میلسی، دیر، حافظ آباد، سوات، درگئی کے کامیاب جلسوں کے بعد کل وزیراعظم عمران خان عوامی رابطہ مہم کے تحت انشاءاللّٰہ مانسہرہ ہزارہ میں جلسہ عام سے خطاب کریں گے۔‘فیصل جاوید خان کا اپنی ٹوئٹ میں کہنا ہے کہ ’اور اب باری ہے مانسہرہ کی، کل وزیر اعظم عمران خان مانسہرہ میں جلسے سےخطاب کریں گے، عوام کا وزیر اعظم پر بھر پور اعتماد ہے۔‘انہوں نے مزید لکھا کہ ’آئیے مل کر اپوزیشن کو عدم اعتماد لانے پر شکریہ بولیں۔‘