اسلام آباد(نیشنل ٹائمز)مسلم لیگ (ق) کے رہنما اور وفاقی وزیر مونس الٰہی نے فواد چوہدری کے ایک بیان پر رد عمل کا اظہار کیا ہے۔حکومت کی اتحادی جماعت مسلم لیگ (ق) کے رہنما چوہدری مونس الٰہی نے نجی ٹی وی کے پروگرام کا ایک کلپ شیئر کیا جس میں وفاقی وزیر اطلاعات فواد چوہدری گفتگو کررہے ہیں۔اس پروگرام میں فواد چوہدری کا کہنا تھا کہ اتحادیوں سے ہماری وفاداری نہیں، لوگ ہماری سیٹ ایڈجسٹمنٹ پر آئے ہیں، بعض اتحادیوں سے اگر ایڈجسٹمنٹ نہ کرتے تو وہ ایک دو سیٹ بھی نہ جیت سکتے۔انہوں نے کہا کہ اتحادیوں نے اصولوں پر ساتھ دینا ہے تو ان کے ساتھ رابطے میں ہیں، امید ہے اتحادی ساتھ دیں گے، ہم بہت زیادہ شرائط میں نہیں پڑیں گے یہ واضح کردیا ہے۔