اسلام آباد(نیشنل ٹائمز)وزیراعظم عمران خان کے معاون خصوصی برائے سیاسی ابلاغ شہباز گِل نے سندھ ہاؤس پر حملہ کرنے والے ارکان اسمبلی اور کارکنان کو تھانے سے چھڑ والیا۔شہباز گل اپنے کارکنان اور ایم این ایز کو تھانے سے نکال کر باہر لے آئے اور میڈیا سے بات کی۔انہوں نے کہا کہ درست ہے کہ سندھ ہاؤس کے گیٹ کو نہیں توڑنا چاہیے تھا، سندھ ہاؤس میں نوٹوں کی بوریوں سے ضمیر خریدے جارہےہیں، عمران خان نے ایسا کیا کیا کہ ضمیرخریدے جارہےہیں، دلالی کی جارہی ہے۔خیال رہے کہ پولیس نے پی ٹی آئی کارکنان اور ایم این ایز کو سندھ ہاؤس پر حملے کے واقعے میں گرفتارکیا تھا۔