اسلام آباد(نیشنل ٹائمز)امریکا نے پاکستان میں بھارتی میزائل گرنے کے واقعے پر تبصرے سے انکار کردیا۔ترجمان امریکی محکمہ خارجہ نیڈ پرائس نے کہا ہے کہ بھارتی وزارت دفاع نے واقعے کو حادثہ قرار دیا ہے، معاملے پر اس سے زیادہ کچھ نہیں کہہ سکتے۔ان کا یہ بھی کہنا تھا کہ ہمارے پاس کوئی اشارہ نہیں ہے، جیسا کہ آپ نے بھارتی حکام سے بھی سنا کہ یہ واقعہ ایک حادثے کے علاوہ کچھ نہیں تھا۔انہوں نے کہا کہ بھارت میں یورینیم چوری اور گرفتاریوں کا علم نہیں ہے۔پاکستانی علاقے میں میزائل گرنے پر افسوس ہے، بھارتی وزارت دفاعخیال رہے کہ 9مارچ کو ایک انہونا اور خطرناک واقعہ ہوا تھا، بھارت سے ایک سپرسانک میزائل 250 کلومیٹر کا فاصلہ طے کرکے پاکستان میں گرا تھا، بھارتی میزائل 40 ہزار فٹ کی بلندی پر پرواز کرتے ہوئے پاکستانی علاقے میں گرا تھا۔