اسلام آباد(نیشنل ٹائمز)پاکستانی ڈرامہ انڈسٹری کے معروف اداکار منیب بٹ کا کہنا ہے کہ شوبز انڈسٹری میں اُن کی پسندیدہ اداکارہ یمنیٰ زیدی ہیں۔منیب بٹ کی جانب سے او ٹی ٹی پلیٹ فارم کو دیئے گئے انٹرویو کے چند مختصر کلپ خوب وائرل ہیں جن میں انہوں نے دلچسپ سوالوں کےجوابات دیئے ہیں۔اکثر اوقات ہی اپنی اہلیہ، اداکارہ ایمن خان کے ساتھ نظر آنے والے اداکار منیب بٹ اس شو میں اکیلے ہی شرکت کر رہے ہیں۔منیب بٹ سے شو کے میزبان، ہدایتکار وجاہت رؤف کی جانب سے سوال کیا گیا کہ ’اُن کی پسندیدہ اداکارہ کون ہیں، کوئی ایسی اداکارہ جن کے ساتھ وہ فری میں بھی کام کرنے پر راضی ہو جائیں گے۔‘اس سوال کے جواب میں منیب بٹ کا کہنا تھا کہ ’اُن کی پسندیدہ اداکار یمنیٰ زیدی ہے، اُنہیں یمنیٰ زیدی کے ساتھ بغیر پیسوں کے بھی کردار آفر ہوا تو وہ قبول کر لیں گے۔‘