اسلام آباد(نیشنل ٹائمز)گزشتہ برس نکاح کرنے والی شوبز انڈسٹری کی معروف اداکارہ شہزین راحت کی رخصتی ہوگئی۔جیو انٹرٹینمنٹ کے سپر ہٹ ڈرامہ سیریل ’خانی‘ میں سارہ علی خان کا کردار ادا کرنے والی اداکارہ شہزین راحت نے فوٹو اینڈ ویڈیو شیئرنگ ایپ انسٹاگرام پر اپنی بارات کے دن کی خوبصورت تصاویر شیئر کیں۔شہزین راحت نے اپنی بارات کے خاص دن پر جامنی رنگ سے ملتے جلتے رنگ کے عروسی لباس کا انتخاب کیا جبکہ اُن کے دولہے میاں روایتی سفید بلوچی لباس میں نظر آئے۔اداکارہ نے اپنی پوسٹ کے کیپشن میں لکھا کہ براہِ کرم! ماشاءاللّہ بولیں۔شہزین راحت کی جانب سے اپنے انسٹاگرام اکاؤنٹ پر شیئر کی گئی خوبصورت تصاویر پر تا حال ہزاروں لائیکس اور دعائیہ کمنٹس آ چکے ہیں۔اس کے علاوہ شہزین راحت کی بارات کی تقریب کی دیگر تصاویر اور ویڈیوز بھی سوشل میڈیا پر وائرل ہورہی ہیں۔اداکارہ شہزین راحت رشتہ ازدواج میں منسلک ہوگئیںواضح رہے کہ شہزین راحت پاکستان کی ابھرتی ہوئی اداکارہ ہیں جو پاکستان شوبز انڈسٹری کے متعدد ڈراموں میں معاون اداکارہ کے طور پر اداکاری کے جوہر دکھا چکی ہیں۔