لاہور(نیشنل ٹائمز)ریڈیو پاکستان لاہور سے فن اور فنکار کے نام سے نئے پروگرام کا آغاز جس میں پاکستانی تاریخ کے لیجنڈ فن کاروں کی فنی خدمات پر انھیں خراج عقیدت پیش کیا جائے گا۔پروگرام کے میزبان مدثر قدیر اورصدارتی ایوارڈ یافتہ گلوکار ڈاکٹر امجد پرویز جبکہ پروڈیوسر مدثر قدیر ہیں۔گزشتہ روز پہلے پروگرام میں معروف فن کار عنایت حسین بھٹی کے فن اور شخصیت پر مفصل اظہار خیال کیا گیا اور ان کے گائے ہوئے گیت پروگرام کا حصہ رہے۔پروگرام کی خاص بات اس میں شامل مرحوم عنایت حسین بھٹی کے بیٹے اداکار وسیم عباس اور ہدایتکار فلمی مصنف ناصر ادیب کی لائیو گفتگو تھی جس میں انھوں نے عنایت حسین بھٹی کو پاکستانی فلمی صنعت کا پہلا سپراسٹار گلوکار قرار دیا اس موقع پر وسیم عباس کا کہنا تھا کہ عنایت حسیہن بھٹی نے اپنے فن کے ذریعے عوام کو اپنا دیوانہ بنایاانھیں میرا اداکاری کرنا پسند نہیں تھا مگر جب میں بہت چھوٹا تھا تو انھوں نے بطور پروڈیوسر میرانام متعارف کرایا جو میرے لیے بہت بڑے اعزز کی بات ہے جبکہ ناصر ادیب کاکہنا تھا کہ عنایت حسین بھٹی سے ان کا تعارف زمانہ طالب علمی ہی سے تھا وہ میرے محسن تھے اور میں ان کے فن کا پرستار اورجب میں بطور فلمی مصنف مشہور ہوا تو انھوں نے مجھے بلا کر اپنے بھائی کیفی کے لیے فلم لکھنے کو کہا یہ میرے لیے بڑے اعزاز کی بات تھی جس کے بعد میں نے فلم راجو راکٹ لکھی جو سپر ہٹ ہوئی اور کیفی ہیرو کی حثیت سے سامنے آئے۔بلاشبہ برصغیر پاکوہند کی ثافتی اور فنی تاریخ لیجنڈ فن کار عنایت حسین بھٹی کے تزشکرے کے بغیر نامکمل تصور کی جائے گی۔
