اسلام آباد(پی این آئی)وزیر اعظم عمران خان سے وزیر داخلہ شیخ رشید احمد نے بدھ کو یہاں ملاقات کی جس میں وزیر داخلہ شیخ رشید احمد نے دورہ کراچی اور سندھ کی سیکیورٹی صورتحال سے متعلق رپورٹ وزیر اعظم کو پیش کیں، وزیر اعظم آفس کے میڈیا ونگ کی طرف سے جاری بیان کے مطابق وزیر داخلہ نے وزیراعظم کو اپنے دورہ کویت سے متعلق بھی آگاہ کیا۔ شیخ رشید احمد نے کہا کہ دس سالوں کے بعد کویت کے ویزوں کا اجراءپاکستان کی بہت بڑی سفارتی کامیابی ہے۔ وزیر اعظم نے کامیاب دورہ کویت پر وزیر داخلہ کو مبارکباد دیتے ہوئے کہا کہ ویزوں کے مسئلے کے حل پر کویتی قیادت اور حکومت کے شکر گزار ہیں۔