اسلام آباد(نیشنل ٹائمز)سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری اور چیئرمین پاکستان پیپلزپارٹی کے بلاول بھٹو زرداری نے سابق وفاقی وزیر ڈاکٹر عاصم حسین سے ان کی والدہ کے انتقال پر دلی ہمدردی اور افسوس کا اظہار کیا ہے۔ آصف علی زرداری اور بلاول بھٹو زرداری نے کہا ہے کہ والدہ کا بچھڑنا بہت بڑا صدمہ ہوتا ہے۔ دکھ کی اس گھڑی میں آپ کے غم میں شریک ہیں۔ بلاول بھٹو زرداری نے ڈاکٹر عاصم حسین سے ان کی والدہ کی رحلت پر تعزیت کا اظہار کرے ہوئے کہا ہے کہ والدہ اللہ تعالیٰ کی رحمت ہوتی ان کا کوئی نعم البدل نہیں ہے۔ اس غم کے لئے الفاظ ناکافی لیکن میری دعائیں آپ کے اور آپ کے خاندان کے ساتھ ہیں۔ آصف علی زردری اور بلاول بھٹو زرداری نے بیگم ڈاکٹر ضیاالدین مرحومہ کی مغفرت اور بلند درجات کے لئے دعا کی ہے۔