کراچی (نیشنل ٹائمز ) وفاقی وزیر داخلہ شیخ رشید احمد نے کہا ہے کہ تمام ادارے ایک لائن لینتھ پر کام کر رہے ہیں ، کچے کے علاقے سے ڈاکوں کا خاتمہ کر دیں گے ،وفاق گورنر راج یا کسی بھی دوسرے طرقے سے سندھ میں مداخلت نہیں کرنا چاہتا،طے ہوا ہے صوبہ اور مرکز مل کر ڈاکوں کا خاتمہ کرے گا ، سندھ حکومت کی صوابدید ہے جہاں چاہے رینجرز استعمال کر سکتے ہیں ، سندھ پولیس کو جس طرح کے اسلحے کی ضرورت ہو گی ہم فراہم کریں گے ، کچے کے علاقے میں بعض ایسے لوگ ہیں جن کی سیاسی دلچسپی ہے ، ناردا میں کرپٹ لوگوں کے خلاف کراچی میں جھاڑو پھیریں گے، پاکستان ایک ذمہ دار ملک ہے کسی کو کوئی ائیر بیس نہیں دی جا رہی ، عمران خان کی موجودگی میں کسی کو کوئی فوجی اڈا نہیں دیا جائے گا، افغانستان میں امریکا ، روس چین اور پاکستان متفقہ مکینزم رکھیں گے ۔ وزیر داخلہ شیخ رشید احمد نے پریس کانفرنس کرتے ہوئے کہا کہ تمام ادارے ایک لائن پر ہیں کہ کچے کے علاقے میں ڈاکو راج کا خاتمہ کیا جائے، امن صوبہ سندھ اور وفاق کا مشترکہ مسئلہ ہے، سندھ کے مسائل کے حوالے سے وزیراعظم کو رپورٹ دوں گا۔ ان کا کہنا تھا کہ تمام ادارے ایک لائن پر ہیں کہ کچے کے علاقے میں ڈاکو راج کا خاتمہ کیا جائے ، سندھ پولیس کو جس قسم کا اسلحہ درکار ہوگا وہ انہیں دیا جائے گا۔ اپنی بات کو جاری رکھتے ہوئے انہوں نے کہا کہ حکومت سندھ کے ساتھ مل کر ڈاکو راج کا خاتمہ کیا جائے گا۔ شیخ رشید نے کہا کہ سندھ میں پی ٹی آئی کو جو بھی تحفظات ہیں ان سے بھی وزیراعظم کو آگاہ کروں گا۔ وزیرداخلہ نے کہا کہ عمران خان پانچ سال پورے کریں گے اور کوشش ہے کہ اگلے الیکشن میں بھی عمران خان کی حکومت آئے۔ شیخ رشید نے کہا کہ نہ کوئی گورنر راج ہے نہ وزیراعظم مرکز کی طرف سے سندھ میں مداخلت کرنا چاہتے ہیں۔ ایک سوال کے جواب میں انہوں نے کہا کہ ایم کیو ایم کے ساتھ بچپن سے اچھے تعلقات ہیں۔