اسلام آباد(نیشنل ٹائمز)تحریک انصاف کے نو منتخب وزیر یوتھ افیئرز بلال اصغر وڑائچ کی جعلی ڈگری کامعاملہ۔ عدالت نے جامعہ پنجاب کو نوٹس جاری کرتے15جون تک جواب طلب کرلیا۔عدالت کا الیکشن کمیشن کو رپورٹ جمع کروانے کا حکم دے دیا۔عدالت نے بلال اصغر وڑائچ کو بھی نوٹس جاری کرتے ہوئے جواب طلب کر لیا ۔جسٹس عائشہ اے ملک نے غلام سرور نہنگ کی درخواست پرسماعت کی ۔درخواست میں الیکشن کمیشن سمیت دیگر کو فریق بنایا گیا ہے۔درخواستگزار کے مطابق گوجرہ پی پی 118 سے بلال اصغر وڑائچ ایم پی اے کی نشت پر منتخب ہوئے۔ صوبائی وزیر بلال اصغر وڑائچ نے گریجویشن کی جعلی ڈگری پر انتخابات میں حصہ لیا۔ جعلی ڈگری کی بناپر الیکشن میں حصہ لینے سے وہ صادق، امین نہیں رہے۔ جامعہ پنجاب سپریم کورٹ کےحکم کی روشنی میں ڈگری جعلی قرار دے چکی ہے۔ انتخابات میں حصہ لینے کے لیے آئین کے آرٹیکل 62,63 کے اہل ہونا ضروری ہے ۔صوبائی وزیر بلال اصغر وڑایچ نے جعلی ڈگری پر الیکشن میں حصہ لیا۔درخواستگزار نے استدعا کی کہ انتخاب کالعدم قرار دیاجائے۔عدالت الیکشن کمیشن کو پی پی 118 میں ضمنی انتخابات کروانے کاحکم دے۔