کراچی (نیشنل ٹائمز) چند روز قبل رشتہ ازدواج میں منسلک ہونے والی معروف اداکارہ غنا علی نے اپنے نکاح کی نئی تصویریں سوشل میڈیا پر شیئر کردیں۔غنا علی نے فوٹو اینڈ ویڈیو شیئرنگ ایپ انسٹاگرام پر اپنے نکاح کی نئی تصویریں شیئر کی ہیں جن میں انہوں نے گِرے رنگ کا خوبصورت عروسی لباس زیب تن کیا ہوا ہے۔تصویروں میں دیکھا جاسکتا ہے کہ غنا علی نے اپنے لباس کے رنگ کی جیولری کا انتخاب کیا جبکہ ان کے ہاتھوں میں لگی مہندی اداکارہ کی خوبصورتی میں مزید چار چاند لگا رہی ہے۔غنا علی نے تصویریں شیئر کرتے ہوئے کیپشن میں لکھا کہ الحمداللہ! میرا نکاح ہوگیا ہے۔اداکارہ کی تصویروں پر شوبز ستاروں کی بڑی تعداد انہیں مبارکباد دے رہی ہے۔
