منیلا(نیشنل ٹائمز)فلپائن کے صوبہ غربی میندورو میں زلزلے کے جھٹکے محسوس کیے گئے ہیں جن کی شدت ابتدائی طور پر 5.8 ریکارڈ کی گئی ہے۔فلپائن کے ادارہ برائے آتش فشانی اور زلزلہ شناسی نے بدھ کے روز بتایا کہ یہ زلزلہ مقامی وقت کے مطابق صبح 9 بجکر 9 منٹ پر میندورو جزیرے کے مغربی حصے میں واقع صوبہ غربی میندورو کے ایک قصبے ابرادی ایلاگ سے تقریبا 11 کلومیٹر شمال مشرق کی جانب 110 کلومیٹر کی گہرائی میں آیا۔انسٹیٹیوٹ نے کہا کہ یہ زلزلہ جو اصل میں ٹیکٹونک تھا اس کے کچھ آفٹرشاکس بھی آ سکتے ہیں لیکن کسی نقصان کی توقع نہیں ہے۔زلزلے کے جھٹکے میٹرو منیلا کے کچھ علاقوں میں بھی محسوس کیے گئے ہیں۔بحرالکاہل کے حلقہ آتش پر واقع ہونے کی وجہ سے فلپائن میں اکثر زلزلے آتے رہتے ہیں۔