کن منگ (رپورٹرزڈیسک)چین کے جنوب مغربی صوبے یوننان کے ڈالی شہر میں جنگل میں آگ لگنے سے ہونے والی تباہی کو صاف کرتے ہوئے ایک ہیلی کاپٹر پیرکی صبح جھیل میں گر کرتباہ ہوگیا۔ڈالی میونسپل بیورو کے ہنگامی حالات سے نمٹنے کے ادارے نے بتایا کہ ہیلی کاپٹر صبح 10 بج کر 20 منٹ پر ایرہائی جھیل میں اس وقت گر کر تباہ ہوا جب وہ آگ سے متاثرہ علاقے کو صاف اورسیراب کرنے کے لئے پانی لانے کی کوشش کررہا تھا۔ اتوار کے روز ڈالی کے جنگل میں لگنے والی آگ کو پیر کی صبح6 بج کر40 منٹ پر بجھادیا گیا تھا۔ڈالی میونسپل بیورو کے ذرائع نے شِنہوا کو بتایا کہ حادثہ کا شکار ہیلی کاپٹر آگ بجھانے کی کوششوں میں شامل نہیں ہواتھا۔ ہنگامی اور طبی امداد کی ٹیمیں جائے وقوعہ پر امدادی کام جاری رکھے ہوئے ہیں۔ ابھی تک واضح نہیں ہو سکا کہ حادثے کے نتیجے میں کسی قسم کا کوئی جانی نقصان ہوا یا نہیں۔حادثے کی تحقیقات جاری ہیں۔
چینی صوبہ یوننان میں ہیلی کاپٹرجھیل میں گر کر تباہ
