کراچی( نیشنل ٹائمز) چیئرمین پاکستان پیپلز پارٹی بلاول بھٹو زرداری نے پارٹی کارکنان کو این اے 249کی جیت کی مبارک باد دیتے ہوئے کہا ہے کہ اہلیان کراچی نے سلیکٹڈ کو مسترد کرکے پی پی پی کو اپنی امیدوں کا محور بنایا۔اتوارکو سماجی رابطے کی ویب سائٹ ٹویٹر پر اپنے ایک بیان میں بلاول بھٹو زرداری نے کہا کہ پاکستان پیپلزپارٹی کے کارکنان کو این اے 249کی جیت کی مبارک باد ہو، دوبارہ گنتی میں ہماری برتری 900ووٹوں سے زیادہ ہوگئی، غلط الزامات بے نقاب ہوگئے اور سچ سامنے آگیا، اہلیان کراچی نے سلیکٹڈ کو مسترد کرکے پی پی پی کو اپنی امیدوں کا محور بنایا۔