اسلام آباد(نیشنل ٹائمز)وفاقی وزیر برائے منصوبہ بندی، ترقی اور خصوصی اقدامات اسد عمر کی زیرصدارت جمعرات کو اسلام آباد میں جنوبی بلوچستان کے ترقیاتی منصوبے کے تحت بجلی کے منصوبوں کے حوالے سے جائزہ اجلاس منعقد ہوا۔ وزیر اعظم کے معاون خصوصی سردار یار محمد رند ، سیکرٹری پاور ڈویژن اور اعلی عہدیداروں نے اجلاس میں شرکت کی۔اجلاس کے دوران بلوچستان میں جاری ترقیاتی منصوبوں خصوصا بجلی سے متعلق منصوبوں پر تبادلہ خیال کیا گیا۔ اسد عمر نے اجلاس میں ہدایت کی کہ جنوبی بلوچستان پیکیج کے تحت بجلی کے منصوبوں پر کام کو تیز کیا جائے تاکہ عوام ان سے فائدہ اٹھاسکیں۔انہوں نے یقین دلایا کہ وفاقی حکومت صوبے کی ترقی میں اپنا بھر پور کردار ادا کرتی رہے گی۔