لاہور (نیشنل ٹائمز) پاکستان کے عالمی شہرت یافتہ گلوکار عاطف اسلم بھی کورونا کے باعث بھارت کی موجودہ صورتحال سے پریشان دکھائی دے رہے ہیں۔انہوں نے بھارت کی صورتحال پر تشویش کا اظہار کرتے ہوئے کہا کہ بھارت میں کورونا کی شدت سے متاثرہ لوگوں کیلئے دعاگو ہوں۔گلوکار نے کہا کہ اس سے قطع نظر کہ آپ دنیا کے کس کونے میں ہیں، اپنی صحت کا خیال رکھیں اور محکمہ صحت پر بوجھ نہ بنیں۔انہوں نے اپنے ٹوئٹ میں پاکستان اسٹینڈ وِد انڈیا سمیت دیگر ہیش ٹیگز کا بھی استعمال کیا۔