سکھر (نیشنل ٹائمز ) پاکستان پیپلزپارٹی کے رہنما خورشید شاہ نے کہا کہ حکومت مسلسل بلنڈر کر رہی ہے اور سزا عوام کو مل رہی ہے ، کسی جماعت پر پابندی لگانے کی بات ہے تو اسمبلی میں آکر بات کریں ۔تفصیلات کے مطابق آمدن سے زائد اثاثہ جات کیس کی سماعت نیب عدالت سکھر میں ہوئی ۔ خورشید شاہ سمیت دیگر افراد کو احتساب عدالت پیش کیا گیا ، مختصر پیشی کے بعد عدالت نے کیس کی سماعت 27اپریل تک ملتوی کر دی ۔ میڈیا سے گفتگو کرتے ہوئے خورشید شاہ نے کہا کہ اناڑی حکومت نے عوام کی مشکلات بڑھا دیں ، معاشی حالات ہوں یا انتظامی صرف ناقص کارکردگی ہے ۔ خورشید شاہ کا کہنا تھا کہ ہم کہتے ہیں کسی جماعت پر پابندی لگانے کی بات ہے تو اسمبلی میں آئین ، ہم کہتے ہیں بیٹھ کر بات کرو مگر حکومت تیار نہیں ، حکومت کے ساتھ مل نہیں سکتے یہ عوام کا خون چوس رہے ہیں ، پر امید ہوں کہ پی ڈی ایم سے معاملات بن جائیں گے۔خورشید شاہ کو این آئی سی وی ڈی اسپتال سے عدالت پیش کیا گیا، خورشید شاہ 18ماہ سے نیب کی تحویل میں ہیں ۔