دوبئی(نیشنل ٹائمز)دبئی میں تعینات پاکستانی قونصل جنرل امجد احمد علی کا دبئی میں مقیم پاکستانی کمیونٹی کی نمائندہ شخصیات کے اعزاز میں افطار ڈنر کا اہتمام۔ وزیر خارجہ مخدوم شاہ محمود قریشی اور متحدہ عرب امارات میں تعینات پاکستانی سفیر افضال محمود کی افطار ڈنر میں خصوصی شرکت۔ قونصل جنرل احمد امجد علی اور قونصل خانے کے افسران نے وزیر خارجہ کا خیر مقدم کیا۔وزیر خارجہ نے تمام ٹیبلز پر جا کر پاکستانی کمیونٹی کی نمائندہ شخصیات سے فرداً فرداً مصافحہ کیا اور ان کی خیریت دریافت کی۔شرکاء نے وزیر خارجہ کو متحدہ عرب امارات تشریف آوری پر خوش آمدید کہا۔وزیر خارجہ نے متحدہ عرب امارات میں مقیم پاکستانی کمیونٹی کی خدمات کو سراہا۔مخدوم شاہ محمود قریشی کا کہنا تھا کہ بیرونی ممالک میں مقیم پاکستانی ہمارا قیمتی سرمایہ ہیں ۔بیرون ملک مقیم پاکستانیوں کی فلاح و بہبود ہماری حکومت کی اولین ترجیحات میں شامل ہے۔پاکستانی کمیونٹی کی نمائندہ شخصیات نے کرونا وبا کے دوران ،قونصل خانے کی جانب سے فراہم کردہ بروقت معاونت کی تعریف کی۔ پاکستان اور متحدہ عرب امارات کے مابین دیرینہ برادرانہ تعلقات مزید مستحکم ہو رہے ہیں ۔دونوں ممالک اعلیٰ سطحی روابط کے فروغ اور دو طرفہ معاشی تعاون کے حجم میں اضافے کیلئے پر عزم ہیں ۔