لاہور (نیشنل ٹائمز) گورنر پنجاب چوہدری سرور کا کہنا ہے کہ سی پیک پاکستان کے روشن مستقبل کی ضمانت اور ملکی تقدیر بدلنے کے لئے اہم منصوبہ ہے۔تفصیلات کے مطابق گورنر پنجاب چوہدری سرور سے چیئرمین سی پیک اتھارٹی جنرل (ر) عاصم سلیم باجوہ نے ملاقات کی ہے جس میں سی پیک کے جاری منصوبوں سمیت دیگر امور بات چیت کی گئی ہے۔ ملاقات کے دوران گورنر پنجاب چوہدری سرور کی جانب سے عاصم سلیم باجوہ کے ملکی معاشی ترقی اور سی پیک میں کردار کی تعریف کی گئی ہے۔ملاقات کے دوران گفتگو کرتے ہوے چوہدری سرور کا کہنا تھا کہ سی پیک منصوبہ پاک چین دوستی کا مظہر ہے ، اس منصوبے کوہرحال میں پایہ تکمیل تک پہنچائیں گے۔اقتصادی راہدری کے اس منصوبے کو پاکستانی حکومت اور عوام کی دلی حمایت حاصل ہے اور اس کی تعمیر کے مسلسل مثبت نتائج سامنے آرہے ہیں۔چین اور پاکستان میں آج چٹان سے مضبوط دوستی ہے۔