اسلام آباد(نیشنل ٹائمز )پاکستان پیپلز پارٹی کے رہنماخورشید شاہ کے خلاف اثاثہ جات کیس کی سماعت چار مئی تک ملتوی ہوگئی۔تفصیلات کے مطابق سپریم کورٹ میں پی پی رہنما خورشید شاہ کے خلاف اثاثہ جات کیس کی سماعت ہوئی۔ جسٹس مشیر عالم کی سرابرہی میں تین رکنی بینچ نے سماعت کی۔ دوران سماعت نیب کے وکیل کی جانب سے موقف اپنایا گیا کہ سپیشل پراسیکیوٹر نیب بیمار ہیں، نئے پراسیکیوٹر کو کیس تیار کرنے کے لئے وقت درکار ہے۔ جسٹس یحییٰ آفریدی نے ریمارکس دیئے کہ ضمانت کامعاملہ ہے،زیادہ التوانہیں دے سکتے۔عدالت عظمیٰ نے سپیشل پراسیکیوٹرنیب کی علالت کے باعث شریک ملزمان کی ضمانت منسوخی کاکیس بھی 4 مئی تک ملتوی کردیا۔واضح رہے کہ خورشید شاہ نے اثاثہ جات کیس میں ضمانت کیلئے عدالت سے رجوع کررکھاہے۔