اسلام آباد(نیشنل ٹائمز)پاکستان پیپلزپارٹی کے مرکزی سیکریٹری اطلاعات فیصل کریم کنڈی نے شہباز شریف کی ضمانت منظور ہونے پر مبارکباد دیتے ہوئے کہا ہے کہ سابق قائد حزب اختلاف سید خورشید احمد شاہ 18 ستمبر 2019ءسے قید ہیں اور ابھی تک ضمانت کے حق سے محروم ہیں۔ فیصل کریم کنڈی نے کہا کہ پاکستان پیپلزپارٹی کے رہنما کو عدالت سے ریلیف ملے تو ڈیل کا طعنہ دے کر شور مچایا جاتا ہے۔ فیصل کریم کنڈی نے کہا کہ ہم بھی امید کرتے ہیں کہ سید خورشید احمد شاہ کو بھی عدالت شہباز شریف کی طرح ضمانت پر رہاہونے کا حق دے گی۔ سید خورشید احمد شاہ علالت کے باوجود تقریباً گذشتہ دو سال سے قید ہیںاور ان پر نیب ابھی تک ایک بھی الزام ثابت نہیں کر سکا۔