لاہور(نیشنل ٹائمز) پنجاب حکومت نے جنوبی پنجاب کے لئے سرکاری ملازمتوں میں 32فیصد کوٹہ مختص کرنے کا فیصلہ کرلیا۔تفصیلات کے مطابق جنوبی پنجاب کے عوام کے لیے سرکاری ملازمتوں میں کوٹہ مختص کرنے کا فیصلہ وزرا کمیٹی برائے جنوبی پنجاب سیکرٹریٹ کے تیسرے اجلاس میں کیا گیا ہے۔وزیر خزانہ پنجاب ہاشم جواں بخت کا کہنا ہے کہ جنوبی پنجاب کے لیے مخصوص کوٹہ کی صوبائی کابینہ سے منظوری لی جائے گی۔واضح رہے کہ وزیر اعلیٰ پنجاب سردار عثمان بزدار نے گزشتہ سال ستمبر میں نے جنوبی پنجاب سیکرٹریٹ کا سنگ بنیاد رکھا تھا اور کہا تھا کہ اس کیلئے سخت محنت کرنی پڑی۔ جنوبی پنجاب سیکرٹریٹ وعدے کی جانب پہلا قدم ہے۔ جنوبی پنجاب صوبہ بھی ہم ہی بنائیں گے۔