برلن(نیشنل ٹائمز)وزیر خارجہ مخدوم شاہ محمود قریشی وفد کے ہمراہ جرمن وزارتِ خارجہ کیلئے روانہ ہو گئے ۔جرمنی میں تعینات پاکستانی سفیر ڈاکٹر محمد فیصل بھی وزیر خارجہ کے ہمراہ ہیں۔وزیر خارجہ، جرمنی کی وزارتِ خارجہ میں اپنے جرمن ہم منصب ہائیکو ماس سے ملاقات کریں گے۔جبکہ جرمن وزارتِ خارجہ میں پاکستان اور جرمنی کے مابین وفود کی سطح پر مذاکرات ہوں گے۔ان مذاکرات میں دو طرفہ تعلقات اور کثیرالجہتی شعبہ جات میں دو طرفہ تعاون کے فروغ کے حوالے سے تفصیلی تبادلہ ء خیال کیا جائے گا۔ملاقات کے بعد دونوں وزرائے خارجہ مشترکہ پریس کانفرنس سے خطاب کریں گے۔