اسلام آباد (نیشنل ٹائمز) وفاقی وزیر فواد چودھری نے کہا کہ کورونا کی تیسری شدید لہر اور ہسپتالوں پر شدید دباو کے باوجود پاکستان میں حفاظتی سامان ، وینٹی لیٹرز اور دیگر سامان کی کہیں کوئی کمی نہیں۔ فواد چودھری نے کہا کہ حفاظتی سامان کی کمی نہ ہونا وزارت سائنس و ٹیکنالوجی ،دفاعی اداروں اور پرائیویٹ سیکٹر کا اشتراک ہے کہ ہم یہ خود کفالت حاصل کر سکے ، انشا اللہ یہ مشکل وقت بھی گزر جائے گا۔وزارت سائنس اینڈ ٹیکنالوجی میں جتنا کام اس مختصر دور میں ہوا شائد گزشتہ 70میں نہ ہوا ہو ۔