اسلام آباد (نیشنل ٹائمز )پاکستان تحریک انصاف کے رہنما جہانگیر ترین کے صاحبزادے علی ترین ایف آئی اے میں پیشی کے بعد واپس روانہ ہو گئے ہیں ۔تفصیلات کے مطابق ایف آئی ا ے نے جہانگیر ترین کے بیٹے علی ترین سے ڈیڑھ گھنٹے تک پوچھ گچھ کی ، علی ترین نے ایف آئی اے کے سوالات کے جوابات جمع کروا دیئے ہیں جس کے بعد وہ واپس روانہ ہو گئے ہیں ۔ علی ترین پانچ سوالات کے دستاویزی جواب اپنے ساتھ لائے تھے ، علی ترین کو چار ارب کے مبینہ مالیاتی فراڈ سے متعلق تفتیش کیلئے طلب کیا گیا تھا ۔ دوسری جانب جہانگیر ترین کو بھی ایف آئی اے نے آج سہ پہر تین بجے طلب کر رکھا ہے ۔