اسلام آباد(نیوز ڈیسک)پاکستان کی معروف اداکارہ آمنہ الیاس اس وقت کورونا وائرس میں مبتلا ہونے کی وجہ سے آئسولیشن میں ہیں لیکن پھر بھی وہ اپنے مداحوں کے لئے سوشل میڈیا پر اسی طرح متحرک ہیں جیسے وہ بیمار ہونے سے پہلے تھیں۔آمنہ الیاس نے انسٹاگرام پر ایک ویڈیو شیئر کی جس میں انہیں چھت پر چائے کا کپ تھامے کورونا تجربے کا ذکر کرتے دیکھا جاسکتا ہے۔ویڈیو میں اداکارہ نے دکھی لہجے میں کہا کہ وہ قرنطینہ کے دوران نہ کسی چیز کو چکھ سکتی ہیں نا ہی سونگھ سکتی ہیں، وہ اس دوران اپنے دوستوں، اپنی روزمرہ زندگی اور خاص طور پر اپنے اہل خانہ کو مس کر رہی ہیں۔