اسلام آباد(نیوز ڈیسک)بالی ووڈ اداکار ریتک روشن نے اپنی سابق اہلیہ سوزین خان کی تصویر پر رد عمل کا اظہار کیا ہے۔گزشتہ روز ریتک روشن کی سابق اہلیہ سوزین خان نے انسٹاگرام پر اپنی مرر سیلفی شیئر کی اور لکھا کہ کبھی کبھی مجھے لگتا ہے کہ میں لڑکا ہوں۔سوزین خان کی تصویر پر ریتک روشن نے لکھا کہ یہ ایک اچھی تصویر ہے۔واضح رہے کہ ریتک روشن اور سوزین خان نے سال2000 میں شادی کی تھی۔یہ دو بیٹوں کے والدین ہیں اور ان کے درمیان 2014 میں طلاق ہوگئی تھی۔بھارتی میڈیا کے مطابق ریتک اور سوزین اب بھی اچھے دوست ہیں۔ ریتک روشن اکثر سوزین خان کی تصاویر پر تعریفی جملے بھی لکھتے ہیں۔