اسلام آباد(نیوز ڈیسک) پاکستان میں کورونا کی تیسری لہر میں شدت آگئی ہے۔ 24 گھنٹے کے دوران مزید 63 افراد جاں بحق ہوگئے جبکہ 3 ہزار 9 سو 46 نئے کیس رپورٹ ہوئے ہیں۔ مثبت کیسز کی شرح 10 فیصد سے زائد ہوگئی۔این سی او سی کی طرف سے جاری اعدادو شمار کے مطابق ایک دن میں مزید 63 افراد جان سے گئے جس سے اموات کی مجموعی تعداد 14 ہزار 28 ہوگئی ہے۔ گزشتہ چوبیس گھنٹے کے دوران 39 سو 46 کیس رپورٹ ہوئے ۔ملک میں کل کیسز کی تعداد 6 لاکھ 40 ہزار 9 سو 88 ہوگئی۔ 24 گھنٹے میں 2 ہزار 7 سو 47 مریض صحت ہوئے۔ اب تک صحت یاب ہونے والوں کی کل تعداد 5 لاکھ 88 ہزار 9 سو 75 ہوگئی ہے۔ ملک بھر میں ایکٹو کیسز کی تعداد 38 ہزار ہوگئی ہے۔ 24 گھنٹے کے دوران 38 ہزار 8 سو 58 ٹیسٹ کیے گئے ۔ ملک بھر میں 99 لاکھ 34 ہزار 3 سو 73 ٹیسٹ کیے جاچکے ہیں۔