لاہور(نیوز ڈیسک )بالی ووڈ کے شہنشاہ امیتابھ بچن نے اپنے اداکار بیٹے ابھیشک کے ساتھ اپنی ایک تصویر شیئر کی ہے اور کہا کہ کیسے ابھیشک ان کا دوست بنا۔لیجنڈری اداکار کو اپنے بیٹے پر کافی فخر ہے، گزشتہ دنوں انھوں نے اپنے انسٹا گرام اکاؤنٹ پر بیٹے کے ساتھ اپنی ایک تصویر بھی شیئر کی اور بتایا کہ تبدیل ہوتے وقت کے ساتھ ان کا مزاج کیسے یکساں ہوا اور تعلقات کیسے دوستی میں بدلے۔امیتابھ بچن کا کہنا تھا کہ جب آپ کا بیٹا آپ کے جوتے پہننے لگے اور آپکو یہ بتائے کہ اب کس راہ پر چلنا ہے تو پھر وہ آپکا بیٹا نہیں رہتا بلکہ وہ آپکا دوست بن جاتا ہے۔اس پوسٹ پر ابھیشک بچن نے اپنے ردِعمل کا اظہار کرتے ہوئے hug emoji کا سائن پوسٹ کیا جبکہ کامیڈین کپل شرما نے ردِ عمل میں اس پر heart emoji پوسٹ کیا۔