اسلام آباد (نیوز ڈیسک)مشہور امریکی اداکار و ہدایتکار جارج کلونی نے کہا ہے کہ وہ اپنے بچوں کو والدہ کے ساتھ مذاق اور انہیں چھیڑنے کے لئے شرارتیں سکھاتے ہیں۔59سالہ آسکر ایوارڈ یافتہ اداکار جارج کلونی کا کہنا ہے کہ اپنے 3سالہ جڑواں بیٹا اور بیٹی کو شرارتیں سکھاتا ہوں تاکہ وہ اپنی والدہ امل کلونی کو تنگ کرسکیں۔ایک گفتگو میں جارج کلونی نے بتایا کہ مجھے مزہ آتا ہے اپنے بچوں کو شرارتیں سکھانے میں جس سے انکی والدہ کی توجہ بدلے۔ میں یہ سب کچھ امل کلونی کے ذہنی دباؤ کو کم کرنے کے لئے کرتا ہوں۔واضح رہے کہ 59 سالہ جارج کلونی اور 43 سالہ لبنانی نژاد برطانوی وکیل امل کلونی 2 بچوں کے والدین ہیں۔ ان کی شادی 2014 میں ہوئی اور ان کا شمار دنیا کی مشہور اور بااثر شخصیات میں کیا جاتا ہے۔