اسلام آباد (نیوز ڈیسک)معروف بھارتی فلم ساز کرن جوہر جلد ایک نئی اداکارہ کو بالی ووڈ میں لانچ کرنے جا رہے ہیں۔2020 میں کورونا کی عالمی وبا کے دوران طویل لاک ڈاؤن کی وجہ سے بہت سارے نوجوان یعنی ‘اسٹار کڈز ‘ بالی ووڈ میں قدم رکھنے میں ناکام رہے۔ لیکن اب بہت سے اسٹارز کے لیے اس سال فلموں میں انٹری کا خواب پورا ہوتا دکھائی دے رہا ہے۔اس میں سرفہرست بالی ووڈ اداکار سنجے کپور کی بیٹی شنایا کپور کا نام ہے جنہیں کرن جوہر اپنی فلم میں لانچ کریں گے۔اس بات کا انکشاف شنایا کپور نے سوشل میڈیا پر کیا ہے، جبکہ کرن جوہر نے بھی اس بات کی تصدیق کی ہے کہ اس سال جولائی سے اپنے بالی ووڈ پروجیکٹ کی شوٹنگ شروع کریں گے۔