اسلام آباد (نیوز ڈیسک)عالمی شہرت یافتہ پاکستانی گلوکار عاطف اسلم کے نئے گانے ’چلے تو کٹ ہی جائے گا سفر‘ نے ریلیز ہوتے ہی مقبولیت کے جھنڈے گاڑ دیے۔عاطف اسلم نے ماضی کے پاکستانی مقبول ترین گانے ’چلے تو کٹ ہی جائے گا سفر‘ کا ریمیک اپنی خوبصورت آواز میں تیار کیا ہے۔گانا ’چلے تو کٹ ہی جائے گا سفر‘ پاکستان کی معروف گلوکارہ مسرت نذیر نے گایا تھا جس کی مقبولیت آج بھی اُسی طرح قائم ہے۔عاطف اسلم کی آواز میں تیار کیے گئے اس گانے کا ریمیک ’ری مکس صوفی اسکور‘ کے یوٹیوب چینل پر اپ لوڈ کیا گیا ہے۔اس گانے کے ہدایتکار ڈیوڈ زینی ہیں جبکہ اس گانے کی موسیقی احسن پرویز مہدی نے ترتیب دی ہے۔گلوکار کا یہ گانا تین دن پہلے یعنی 19 مارچ کو ریلیز کیا گیا تھا جس پر اب تک 14 ملین سے زائد ویوز آچکے ہیں۔عاطف اسلم کے مداح اُن کے اس گانے کو پسند کرتے ہوئے سوشل میڈیا پر گلوکار کے لیے تعریفی پیغامات جاری کررہے ہیں۔
عاطف اسلم کا ’چلے تو کٹ ہی جائے گا سفر‘ ریلیز ہوتے ہی مقبول
