ٹورنٹو (نیشنل ٹائمز )کینیڈین حکومت نے چینی ویکسین لگانے والے مسافروں کو آنے کی اجازت دے دی ، سائینویک اور سائینوفارم ویکسین لگانے والے مسافر 30نومبر سے آسکیں گے۔ کینیڈین حکومت کی جانب سے بیان میں کہا گیا ہے کہ چینی ویکسین لگانیوالیمسافر وں کو ا?نے کی اجازت ہوگی، سائینویک اور سائینوفارم ویکسین لگانے والے مسافر 30نومبر سے ا?سکیں گے۔ کینیڈا میں فی الحال فائزر،ماڈرنا،اسٹرازینیکا اورجانسن این جانسن تسلیم کی جارہی ہے۔ یاد رہے جولائی میں کینڈین وزیر اعظم نے غیر ملکی مسافروں پر عائد سفری پابندیاں مشروط طور پر ختم کرنے کا اعلان کرتے ہوئے کہا تھا کہ ستمبر کے مہینے سے مسافروں کو داخلے کی اجازت ہوگی۔کینڈین وزیر اعظم کا کہنا تھا کہ جن مسافروں نے کرونا ویکسین کی دونوں خوراکیں لگوائیں صرف ان کو ہی داخلے کی اجازت دی جائے گی۔اس کے ساتھ ہی جسٹن ٹروڈو نے وضاحت کی کہ اگر ویکسی نیشن اور عوامی صحت کی صورت حال ایسے ہی رہی تو ہم پابندی کو ختم کریں گے بصورت دیگر فیصلہ واپس لے لیا جائے گا۔