اسلام آباد(نیوز ڈیسک)ریسکیو اہلکاروں نے بتایا کہ چھت گرنے سے دونوں بچیاں ملبے تلے دب گئی تھیں۔ ذرائع کے مطابق جاں بحق بچیوں کی شناخت 6 سالہ ایمان اور 5 سالہ حرا کے نام سے ہوئی ہے۔قبل ازیں لاہور کے علاقے فیروز پور روڈ پر گھر کی چھت زمین بوس ہو گئی تھی، جس کے نتیجے ملبے تلے دب کر ایک ہی خاندان کے تین افراد جاں بحق جبکہ تین زخمی ہوگئے۔ جاں بحق ہونیوالوں میں ایک لڑکی اور دو کمسن بچے شامل تھے۔ریسکیو حکام کے مطابق چھت گرنے کا افسوس ناک واقعہ فیروز پور روڈ پر واقع سوسائٹی سروبہ گارڈن میں پیش آیا، جہاں ایک کمرے کو توڑنے کے دوران پورے مکان کی چھت گر گئی، جس سے اور میاں بیوی سمیت چھ افراد ملبے تلے دب گئے۔حادثے کی اطلاع ملنے پر ریسکیو ٹیمیں موقع پر پہنچیں اور تمام افراد کو ملبے سے نکال کر جنرل اسپتال منتقل کیا گیا، تاہم زخموں کی تاب نہ لاتے ہوئے 17 سالہ نیہا، دو سالہ زوہی اور ساڑھے تین سالہ زین جان کی بازی ہار گئے۔اہل علاقہ کے مطابق مکان پرانا تھا جس کو توڑ کر نیا بنایا جارہا تھا لیکن اچانک پورا مکان گر گیا۔ ترجمان ریسکیو کے مطابق امدادی کارروائیوں میں 20 ریسکیورز اور 6 ایمرجنسی وہیکلز نے حصہ لیا۔