اسلام آباد(نیوز ڈیسک )پاکستان کے سینئر اداکار طلعت حسین نے کورونا سے بچاؤ کی ویکسین لگوالی۔اداکار طلعت حسین نے چینی کمپنی کی کورونا سے بچاؤ کی ویکسین کراچی آرٹس کونسل میں لگوائی۔اس کے علاوہ دیگر کئی شوبز شخصیات بھی رواں ہفتے کورونا سے بچاؤ کی ویکسین لگوا چکی ہیں جن میں اداکارہ بشریٰ انصاری اور ثمینہ پیرزادہ شامل ہیں۔واضح رہے کہ رواں ہفتے وزیر صحت سندھ ڈاکٹر عذرا پیچوہو نے آرٹس کونسل میں پریس کانفرنس میں کہا تھا کہ فنکار، ادیب، لکھاری بہت اہم ہیں، ان کیلئے آرٹس کونسل میں ویکسی نیشن سینٹر بنایا ہے۔