اسلام آ باد(نیوز ڈیسک) بھارت کی متنازع اداکارہ راکھی ساونت نے کہا ہے کہ لوگ میری جسمانی ساخت اور چہرے کا مذاق اڑایا کرتے تھے۔بھارتی میڈیا سے گفتگو کرتے ہوئے اداکارہ راکھی ساونت نے کہا کہ مجھے یقین نہیں ہوتا کہ میری زندگی میں ایک بار پھر پیار شامل ہوگیا ہے، لوگ مجھے ہمیشہ نظرانداز کیا کرتے تھے، میری جسمانی ساخت اور چہرے کو لے کر مذاق اڑایا جاتا تھا۔ میں انگریزی نہیں بول سکتی چنانچہ میری انگلش کا بھی مذاق اڑایا جاتا تھا۔اداکارہ نے کہا کہ کوئی نہیں جانتا کہ میں زندگی میں کئی بار مشکل حالات سے بچتی رہی ہوں، لوگ مجھے بدصورت، موٹی اور فضول بولنے والی جیسے القابات سے پکارا کرتے تھے لیکن اس سب کے باوجود میں نے ہمیشہ اپنے کام پر توجہ مرکوز کی اور سب کو معاف کیا۔راکھی ساونت کا کہنا تھا کہ اب میں لوگوں کا پیار حاصل کرنے میں کامیاب ہوگئی ہوں تاہم اب بھی اکثر لڑکے، لڑکیوں، ماں اور بچے بچیوں کی محبت دیکھ کر پریشان ہوجاتی ہوں اور ایسا لگتا ہے جیسے سب کچھ ایک خواب ہو۔