ٹورنٹو(نیوز ڈیسک) وزیراعظم عمران خان کی حمایت میں کینیڈا میں اوورسیز پاکستانیوں نے کارریلی نکالی جس میں سیکڑوں افراد نے شرکت کی ۔ دارالحکومت ٹورنٹو میں تحریک انصاف کینیڈا کی جانب سے سوکلومیٹر تک نکالی گئی ریلی میں سیکڑوں گاڑیوں نے حصہ لیا۔ ڈاؤن ٹاؤن کے ایریا میں کینیڈا ، پاکستان اور تحریک انصاف کے جھنڈے لہراتے رہے اور شرکاء پاکستان زندہ باد اور وزیراعظم عمران خان کی حمایت میں نعرے لگاتے رہے۔ریلی کے آرگنائزر عامر خان کہتے ہیں ، اوورسیز پاکستانی کرپشن کے خلاف تحریک وزیراعظم عمران خان کے ساتھ ہیں اور چاہتے ہیں ، پاکستان کو کرپشن سے پاک کیا جائے ۔ تحریک انصاف کینیڈا نے 23 مارچ تک یوم پاکستان کے حوالے سے ٹورنٹو ہائی وے پر آگہی مہم بھی شروع کردی ہے ۔