اسلام آباد(نیشنل ٹائمز)سابق صدر آصف علی زرداری نے یوم دفاع کے موقع پر پاک فوج کے شہیدوں کو خراج عقیدت پیش کرتے ہوئے ہوئے کہا ہے ہمارے بہادر جوانوں نے اپنی جانوں کا نذرانہ دیکر دشمن کے ناپاک عزائم کو خاک میں ملایا ہے ، اپنے پیغام میں سابق صدر آصف علی زرداری نے کہا کہ قائد عوام ذوالفقار علی بھٹو شہید نے ملک کو ایٹمی قوت اور محترمہ بے نظیر بھٹو شہید نے میزائل ٹیکنالوجی دیکر ملک کو ناقابل شکست بنایا ، آصف زرداری نے کہا کہ افواج پاکستان کے بہادر اور جانباز افسروں اور جوانوں نے سواتکو ملک دشمن دہشت گردوں سے پاک کیا آج سوات میں پاکستان کا پرچم سربلند ہے ۔ سابق صدر نے کہا کہ ضرورت اس بات کی ہے کہ دہشت گردوں سے دہشت گرد سمجھ کر نمٹنا ہوگا اور اپنی دھرتی کو دہشت گردوں سے پاک کرنا ہوگا ۔