راولپنڈی(نیشنل ٹائمز)اس کے علاوہ شہر کی متعدد سڑکوں پر پانی جمع ہونے سے ٹریفک کی روانی سست روی کا شکار ہے۔کراچی میں تیز بارش شام 4 بجے کے قریب شروع ہوئی اور تقریباً تین گھنٹے جاری رہی۔محکمہ موسمیات کے مطابق اس دوران سب سے زیادہ بارش گلشنِ حدید میں 60 ملی میٹر ریکارڈ کی گئی ۔محکمہ موسمیات کے مطابق پی اے ایف بیس فیصل پر 6، یونیورسٹی روڈ پر 2.2 ملی میٹر بارش ریکارڈ کی گئی۔ اولڈ ائیرپورٹ 2 ملی میٹر، جناح ٹرمینل 2.4، نارتھ کراچی میں 11 ملی میٹربارش ریکارڈ ہوئی۔سرجانی ٹاؤن 2، قائد آباد 28.5، پی اے ایف بیس مسرورپر 3.5 ملی میٹر ، اورنگی ٹاؤن 2.9 اور ناظم آباد میں11.4 ملی میٹر بارش ریکارڈ کی گئی۔محکمہ موسمیات کا کہنا ہے کہ کراچی میں وقفے وقفے سے معتدل سے تیز بارش رات تک جاری رہنے کا امکان ہے، رن آف کچھ اور جنوبی سندھ پر موجود مون سون کا دباؤ کمزور ہوگیا، کراچی میں 5 اور 6 ستمبر کو ہلکی بارش اور بوندا باندی ہونے کا امکان ہے، اتوار اور پیر کو شہر کا زیادہ سے زیادہ درجہ حرارت 32 سے 34 ڈگری کے درمیان رہنے کا امکان ہے۔خیال رہے کہ گزشتہ روز رات بھر وقفے وقفے سے ہونے والی بارش کے باعث کراچی کی سڑکیں جہاں تالاب کا منظر پیش کرنے لگیں وہیں شہر کے مختلف علاقوں میں کرنٹ لگنے سے 4 افراد جان سے بھی ہاتھ دھو بیٹھے ہیں۔