سرینگر(نیشنل ٹائمز)حریت رہنما سید علی گیلانی کی وفات پر سیاسی شخصیات کی جانب سے اظہار تعزیت اور خراج تحسین پیش کرنے کا سلسلہ جاری ہے۔وزیراعظم عمران خان نے ان کی وفات پر ایک روزہ سوگ اور قومی پرچم سرنگوں رکھنے کا اعلان کیا ہے۔صدر مملکت عارف علوی نے کہا ہے کہ وہ کشمیر کی ایک توانا آواز تھے،انہوں نے پوری زندگی کشمیر کے لیے جدوجہد کی۔شاہ محمود قریشی کا کہنا تھا کہ آج ہر پاکستانی سید علی گیلانی کی عظمت اور بہادری کو سلام پیش کررہا ہے۔شیخ رشید نے کہا ہے کہ سید علی گیلانی نے بہادری اور عزم کے ساتھ بھارتی بربریت کا سامنا کیا۔وزیراعلی پنجاب سردار عثمان بزدار کا کہنا تھا کہ سید علی گیلانی کو کشمیر کی امید تھے۔وزیر مملکت فرخ حبیب کا کہنا تھا کہ سید علی گیلانی کا خلا کبھی پورا نہیں ہوسکے گا۔جماعت اسلامی کے امیر سراج الحق کی جانب سے ملک بھر میں غائبانہ نماز جنازہ ادا کرنے کا اعلان کیا گیا ہے۔شہریار آفریدی کا کہنا تھا کہ کشمیر کی ایک توانا آواز ہمیشہ کے لیے خاموش ہوگئی۔