اسلام آباد(نیشنل ٹائمز)جرمنی کے وزیر خارجہ نے پاکستان میں وزیراعظم عمران خان اور آرمی چیف جنرل قمر جاوید باجوہ سے علیحدہ علیحدہ ملاقاتیں کی ہیں۔وزیر اعظم عمران خان سے جرمنی کے وزیر خارجہ ہیکو ماس کی وزیراعظم ہاؤس میں ہوئی۔اس موقع پر وزیراعظم عمران خان نے کہا کہ پُرامن اور مستحکم افغانستان، پاکستان اور خطے کے لیے بہت ضروری ہے ۔قبل ازیں وزیر خارجہ شاہ محمود قریشی نے جرمن ہم منصب کے ساتھ مشترکہ پریس کانفرنس میں کہا کہ پاکستان نے افغانستان کے ساتھ اپنی سرحدیں کھلی رکھیں، تجارت ہو رہی ہے۔علاوہ ازیں جرمن وزیر خارجہ ہیکو ماس نے آرمی چیف جنرل قمرجاوید باجوہ سے بھی علیحدہ ملاقات کی۔ملاقات میں باہمی دلچسپی، مجموعی علاقائی سکیورٹی صورتِ حال اور افغانستان کی حالیہ صورتِ حال پر تبادلہ خیال کیا گیا۔