اسلام آباد(نیشنل ٹائمز) ورلڈ بینک نے افغانستان کی موجودہ صورتحال کو تشویشناک قرار دیتے ہوئے اس کیلئے امداد بند کرنے کا اعلان کر دیا ہے۔ افغانستان میں ورلڈبینک کے 2 درجن سے زائد ترقیاتی منصوبے جاری ہیں تاہم اس کا کہنا ہے کہ افغانستان کی صورتحال انتہائی تشویشناک ہے جس کا بغور جائزہ لے رہے ہیں۔ نجی ٹی وی نیو کےذرائع کے مطابق عالمی بینک افغانستان کو 5.3 ارب ڈالر دے چکا ہے جس میں زیادہ تر امدادی رقم شامل ہے جبکہ امداد بند کرنے کا اعلان کے بعد افغانستان میں جاری ورلڈبینک کے 2 درجن سے زائد ترقیاتی منصوبے بھی رک جائیں گے۔ دوسری جانب یورپی یونین نے کابل پر طالبان کے قبضے کے بعد افغانستان کی مالی امداد بند کرنے کااعلان کردیا۔میڈیرپورٹس کے مطابق یورپی یونین کی پارلیمنٹ سے خطاب میں یونین کے وزیر خارجہ نے کہا کہ افغانستان میں جو کچھ ہوا قیامت سے کم نہیں ہے، فوری طور پر ترقیاتی امداد معطل کررہے ہیں تاہم اقوام متحدہ کی مدد سے انسانی مدد جاری رکھی جائے گی۔انہوں نے مزید کہا کہ خطے میں پاکستان،ایران، چین اور روس کا کردار بڑھ گیا ہے، چین طالبان کو تسلیم کر چکا ہے، روس تسلیم کرے گا، یورپی یونین بھی طالبان سے بات کررہا ہے ،تسلیم نہیں کررہا، یورپ افغانستان میں تبدیلی سے متاثر ہوگا ۔