اسلام آباد(نیشنل ٹائمز)بھارتی اداکار امیتابھ بچن نے فلم ’کالا پتھر’ کو 42 سال مکمل ہونے پر اپنی پہلی ملازمت کو یاد کیا۔امیتابھ بچن نے فلم کالا پتھر میں اپنی ماضی کی ملازمت اور ذاتی تجربے کا بھی ذکر کیا۔اداکار نے بتایا کہ انہوں نے فلموں میں آنے سے قبل کلکتہ کی کوئلہ کمپنی میں کام کیا، انہوں نے دھن باد اور آسنسول کی کول مائنز میں کام کیا۔واضح رہےکہ چند سال قبل ایک بھارتی ٹی وی شو میں انٹرویو دیتے ہوئے امیتابھ نے بتایا تھا کہ بہت ہی کم افراد اس بات سے واقف ہوں گے کہ 1962 میں انہوں نے اپنی پہلی ملازمت کلکتہ میں واقع ایک کول مائن کمپنی میں کی تھی۔واضح رہےکہ 1942 میں پیدا ہونے والے امیتابھ بچن نے 1969 میں شوبز کی دنیا میں قدم رکھا اور انہیں 1970 میں ریلیز ہونے والی فلم زنجیر سے شہرت ملی۔