ریاض(نیشنل ٹائمز) متحدہ عرب امارات(یو اے ای) کی جانب سے جاری ہونے والی نئی سفری گرین لسٹ کے بعد سعودی مسافر ہوٹل قرنطینہ کی پابندی سے آزاد ہوگئے ہیں۔عرب میڈیا کی رپورٹ کے مطابق ابوظہبی محکمہ سیاحت و ثقافت کا کہنا ہے کہ سعودی عرب سمیت گرین لسٹ میں شامل ممالک سے اماراتی دارالحکومت آنے والے ہوٹل قرنطینہ کی شرط سے مستثنیٰ ہوں گے۔رپورٹ میں بتایا گیا کہ متحدہ عرب امارات کی سفری گرین لسٹ میں سعودی عرب سمیت بحرین، چین، ہانگ کانگ، سنگاپور، آئرلینڈ، برونائی، آسٹریلیا اور البانیہ شامل ہوئے ہیں۔محکمہ سیاحت وثقافت نے مزید بتایا کہ گرین لسٹ کورونا وائرس میں رونما ہونے والی تبدیلیوں کے تناظر میں اپ ڈیٹ کی جاتی رہی ہے اور آئندہ بھی ایسا ہی ہوگا، نئے شامل ہونے والے ممالک کے مسافر ہوٹل قرنطینہ نہیں کریں گے۔نئی گرین لسٹ پر عمل درآمد 20 اگست سے جاری ہے۔ ایک رپورٹ میں یہ بھی بتایا گیا ہے کہ اگر کسی نے سفر سے 28 روز قبل ویکسین کی آخری خوراک لی ہوگی تو ابوظہبی، بحرین، یونان، سیشلزی اور سربیا آنے جانے والوں سے سفر کے وقت ہوٹل قرنطینہ کے لیے نہیں کہا جائے گا۔