مقبوضہ بیت المقدس (ٹوڈے نیوز )اسرائیلی وزارت خارجہ کے ترجمان لیور حیات نے کہاہے کہ بحرین جلد ہی اسرائیلی سفارت خانہ کھولے گا جبکہ مراکش دو ماہ کے اندر اس کے لیے تیاری کر رہا ہے۔میڈیارپورٹس کے مطابق ایک پریس کانفرنس میں انہوں نے کہا کہ ہم دونوں رابطہ دفاتر کو دو سفارت خانوں میں اپ گریڈ کریں گے۔اسرائیلی وزیر خارجہ نے اپنے دورے کے دوران رباط میں اسرائیلی رابطہ دفتر کھولا اور کاسا بلانکا میں ایک عبادت گاہ کا دورہ کیا۔دونوں ممالک کے درمیان دسمبر میں سفارتی تعلقات دوبارہ شروع کرنے پر اتفاق ہونے کے بعد اسرائیلی وزیر کا 2003 کے بعد مراکش کا یہ پہلا دورہ ہے۔