ممبئی (رپورٹرزڈیسک) بھارتی فلم انڈسٹری کے کنگ خان شاہ رخ کی بیٹی سہانا بھی والد کے نقش قدم پر چلتے ہوئے بالی ووڈ میں انٹری دینے کیلئے تیار ہیں۔ بھارتی میڈیا کے مطابق سوہانا کو ہدایت کارہ زویا اختر اہنی ویب سیریز میں متعارف کروا رہی ہیں جو ممکنہ طور پر نیٹ فلکس پرریلیز کی جائے گی۔بھارتی میڈیا کے مطابق زویا اختر ان دنوں عالمی شہرت یافتہ مزاحیہ ناول آرچی سے ماخوذ فلم پر کام کررہی ہیں، جس کی کہانی نوعمر لڑکیوں کے گرد گھومتی ہے اور ممکنہ طور پرسہانا مرکزی کردارادا کریں گی۔آنجہانی اداکارہ سری دیوی کی بیٹی خوشی کپور بھی آرچی کے اس دیسی ورژن کا حصہ ہیں۔ سہانا بیٹی جبکہ خوشی ویرونیکا کا کردار ادا کریں گی۔یہ خبریں بھی زیرگردش ہیں کہ سہانا اورخوشی کے علاوہ سیف علی خان کے بڑے بیٹے ابراہیم بھی اس سیریزکا حصہ ہوں گے۔سوہانا نیو یارک یونیورسٹی میں فلم اور ڈرامہ کی تعلیم حاصل کررہی ہیں اور سوشل میڈیا پرخاصی مقبول ہیں۔ انسٹاگرام پرانہیں 20 لاکھ افرادفالوکرتے ہیں۔